Saturday, December 15, 2018

WATU WATATU WAUAWA KWA KUCHINJWA DODOMA

  Malunde       Saturday, December 15, 2018

Kamanda wa Polisi Mkoa wa Dodoma Gilles Muroto, amethibitisha kutokea kwa tukio la mauaji ya watu watatu wa familia moja, ambao miili yao ilibainika kuwa wameuawa kwa kuchinjwa.

Akizungumza na www.eatv.tv, Kamanda Muroto amesema ni kweli tukio hilo limetokea katika kijiji cha Mayamaya kitongoji cha Zamahelo, na kwamba jeshi la Polisi linaendelea na uchunguzi.

“Ni kweli tukio hilo limetokea na limetokea usiku, na watu hao baada ya kukagua miili yao ilikuwa wameuawa kwa kuchinjwa, aliyefanya tukio hajajulikana ni nani na kwanini, kama ni ugomvi tu, au walikuwa wanadaiana bado haijajulikana, jeshi la polisi linaendelea na uchunguzi, ili kuweza kuwatia nguvuni wote waliohusika na tukio hilo”, amesema Kamanda Muroto.

Mauaji hayo yametokea usiku wa Desemba 13, ambapo watu watatu wa familia moja ambao ni baba aliyejulikana kwa jina la Daudi Isaya na mkewe, Hilda Mazengo na mtoto wao mchanga.

Watu hao waligunduliwa na watoto wao wakubwa baada ya kurejea nyumbani asubuhi kutoka nyumba ya jirani ambako huwa wanalala, na kukuta mlango wa wazazi wao uko wazi kitu ambacho sio kawaida.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post