Sunday, September 16, 2018

YANGA YAICHAPA STAND UNITED 4 -3

  Malunde       Sunday, September 16, 2018

Wachezaji wa Yanga kutoka kushoto ni Kaseke, Tshishimbi na Ngassa.

Klabu ya soka ya Yanga imeibuka na ushindi wa mabao 4-3 dhidi ya Stand United, hivyo kulinda rekodi na heshima yake dhidi ya timu hiyo kutoka Shinyanga na sasa wamefikisha mechi 8 za kushinda kati ya 9 walizokutana.

Katika mchezo wa leo mabao ya Yanga yamefungwa na Mrisho Ngassa dakika ya kwanza, Ibrahim Ajibu dakika ya 32, Andrew Vicent dakika ya 35 na Deus Kaseke dakika ya 57.

Kwa upande wa Stand United mabao yao yote yamefungwa na Alex Kitenge ambaye amekuwa mchezaji wa kwanza kufunga mabao matatu kwenye mechi moja 'Hat-trick' ya ligi kuu msimu huu. 

Pamoja na ushindi wa Yanga leo, lakini mlinda mlango mpya wa Yanga Klaus Kindoki raia wa DR Congo, hatakuwa na furaha kutokana na makosa kadhaa aliyoyafanya hususani kwenye bao la kwanza na la pili ya Stand United. Kindoki alikuwa anacheza mechi yake ya kwanza tangu asajiliwe na Yanga.

Stand United sasa imeshinda mechi mbili kwenye mechi zake 4 za kwanza msimu huu, huku Yanga wao wakishinda mechi yao ya pili msimu huu hivyo kufikisha alama 6.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post