Tuesday, May 29, 2018

KUNGURU WALAZIMISHA NDEGE KUTUA GHAFLA IKITOKA ZANZIBAR

  Malunde       Tuesday, May 29, 2018
Ndege ya Shirika la ndege la Ujerumani, Condor, imelazimika kutua kwa dharura katika uwanja wa ndege wa Moi, Mombasa, Kenya, baada ya kunguru wawili kuingia katika injini ya ndege hiyo.


Tukio hilo limetokea dakika chache baada ya ndege hiyo kuondoka visiwani Zanzibar, leo Mei 29, saa 3 asubuhi.


Kwa mujibu wa gazeti dada la Mwananchi, Bussiness Daily, kunguru wawili waliingia kwenye injini ya ndege hiyo.


Polisi wa Viwanja vya Ndege, Pwani, Noah Mviwanda amesema ndege hiyo ilitua salama katika uwanja wa ndege wa Moi, na hakuna abiria yeyote aliyejeruhiwa.
Wakati wanahabari wa Bussiness Daily walipotinga uwanjani hapo, abiria wa ndege hiyo walikuwa wakielekea hotelini.


Mmoja wa abiria ambaye hakutaka kutajwa jina, amesema, wataondoka kwa kutumia ndege nyingine, kesho.


Abiria mwingine, Morris, amesema: “Tunamshukuru Mungu tupo salama, tunakwenda hotelini, hadi kesho tutakaposafiri kwa ndege nyingine.”

logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post