Saturday, March 17, 2018

WANAFUNZI WATOA MSAADA KWA WAZEE KUNYEMELEA BARAKA WAFAULU KWENYE MTIHANI WA TAIFA

  Malunde       Saturday, March 17, 2018
Watahiniwa wa kidato cha sita katika shule ya “New Age open”ya jijini Tanga,jana Machi 16, walitoa msaada wa vyakula,sabuni,nyavu za mbu na simu kwa wazee walioathirika na ukoma wa kituo cha Misufini Wilayani hapa ili kupata baraka zao kabla ya kufanya mtihani wa kitaifa Mei mwaka huu.

Watahiniwa hao 29 wamefanya hivyo wakifuata nyayo za watangukizi wao 35 waliofanya mitihani kama hiyo mwaka jana waliopeleka msaada kama huo na kujikuta wakipata ufaulu wa kuwawezesha wote kupata mkopo wa Serikali katika vyuo vikuu walivyochaguliwa.

Wakizungumza wakati wakikabidhi msaada huo watahiniwa hao wamesema licha ya kwamba walimu wao wamefanya kazi ya ziada kuwafundisha itakayohakikisha wanafanya vyema mitihani ya kujiunga na elimu ya juu lakini baraka za wazee hao waathirika wa ukoma zina umuhimu wa aina yake.

“Tumekuja hapa tukiamini kwamba wakifurahi wazee hawa kwa ajili yetu watatupa baraka za kutuwezesha kufanya vyema mitihani ya Taifa ya kidato cha sita na kwenda vyuo vikuu wote”amesema Shedrack Mnzava ambaye ni kiongozi wa wanafunzi hao wa kidato cha sita.

Msaada waliotoa wanafunzi hao ni mikate,nyembe,wavu wa mbu wa kuweka madirishani,sembe sukari,sabuni pamoja na simu vyote vikiwa na thamani ya sh 500,000.

Na Burhani Yakub,Mwananchi
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post