Thursday, February 22, 2018

PADRI AVITAKA VYOMBO VYA DOLA KUMWEKA WAZI ALIYEMUUA AKWILINA,AOMBE RADHI WATANZANIA

  Malunde       Thursday, February 22, 2018
Padri Raymond Mayanga wa Parokia ya Yohane Mbatizaji Luhanga amevitaka vyombo vya ulinzi na usalama kumsaka mtu aliyempiga risasi mwanafunzi wa Chuo cha Taifa cha Usafishaji (NIT), Akwilina Akwilini, kumweka wazi ili awaombe radhi Watanzania.


Akizungumza katika ibada ya kuaga mwili wa mwanafunzi huyo inayofanyika katika viwanja vya NIT, Mabibo, Padri Mayanga amesema mtu huyo hata akifungwa miaka 30 hadi 40, Akwilina hatarudi.


“Awe amefanya kwa nia nzuri au mbaya vyombo vinavyohusika vikimaliza taratibu zake kama ni kupitia televisheni ama nini huyu mtu aombe msamaha, vinginevyo hatutafika mbali. Leo kwa Akwilina huenda kesho kwa mwingine,” amesema.


Naye mwakilishi wa familia ya Akwilina, Aloyce Shirima amesema, “Tunaomba mtufikishie salamu kwa Rais John Magufuli kuwa wale wote waliofanya kitendo hicho wachukuliwe hatua stahiki. Taifa haliwezi kuendelea kwa kuondokewa na wasomi kizembe.”

“Akwilina ni mtoto wa sita katika familia ya watoto nane wa mzee Akwilini na ni mtoto pekee aliyependa elimu katika familia hiyo.”

Rais wa Serikali ya wanafunzi NIT, Mchunja Othman amesema, “Alikuwa mcheshi asiyejua kununa. Tunaiomba Wizara ya Mambo ya Ndani kuhakikisha inalisimamia hili ili haki itendeke. Hii inatupa fursa ya kujifunza sisi kama binadamu maisha yetu siyo ya kudumu hivyo tutende mema.”
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post