Wednesday, February 28, 2018

TRENI YA ABIRIA YAANGUKA UVINZA - KIGOMA ,21 WAJERUHIWA

  Malunde       Wednesday, February 28, 2018
Treni ya abiria ya Shirika la Reli Tanzania iliyokuwa ikitokea mkoani Dodoma kwenda Kigoma imepata ajali katika eneo la Kijiji cha Mpeta wilayani Uvinza leo  jioni siku ya Jumatano Februari 28,2018.

Ajali hiyo imesababishwa na kichwa cha treni kuacha njia na kusababisha mabehewa mawili kuanguka katika dimbwi dogo la maji. 

Kamanda wa polisi mkoa wa Kigoma Martin Othieno amethibitisha kutokea kwa ajali hiyo na kwamba chanzo ni injini na mabehewa mawili kuacha njia na kuanguka.

“Mabehewa mawili ya abiria na injini ndiyo vimeanguka, hakuna vifo majeruhi wapo 21 kati yao mmoja ndiye ameumia sana”, ameeleza Otieno.

Amesema jitihada za kuwapatia majeruhi hao huduma ya matibabu zinaendelea. 

Behewa kadhaa bado zimesalia kwenye njia yake baada ya kutokea kwa ajali hiyo. 

Na Editha Karlo- Malunde1 blog

logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post