Waziri mkuu nchini Pakistan Nawaz
Sharrif ametaka hatua za dharura kuchukuliwa huku idadi ya watu
waliofariki kutokana na wimbi la joto katika mkoa wa kusini wa Sindh
ikifikia 700.
Mamlaka ya kukabiliana na majanga ya dharura NDMA
imesema kuwa imepokea maagizo kutoka kwa Nawaz Sharrif kuchukua hatua za
dharura.
Jeshi tayari limepelekwa katika eneo hilo kujenga vituo vya kukabiliana na joto hilo ili kuisaidia mamlaka hiyo.
Wengi wa waathiriwa ni watu wazima kutoka kwa familia zinazopata mapato ya chini.
Maafisa wa afya wanasema vifo vingi vimetokea katika mji mkuu wa
Karachi ambao ulikumbwa na joto la viwango vya juu vya hadi digree 45 c.
Katibu
wa afya katika mkoa wa Sindh Saeed Mangnejo amesema kuwa watu 612
walifariki katika hospitali kuu ya serikali mji huo katika kipindi cha
siku nne zilizopita.
Wengine 80 wameripotiwa kufariki katika hospitali za kibinafsi.
Via>>BBC