Hatimaye
kitendawili cha kuanza kwa michakato ya uchukuaji fomu za kuwania
uongozi wa dola ndani ya Chama Cha Mapinduzi {CCM} kuelekea uchaguzi
mkuu ujao kimeteguliwa baada ya kikao cha halmashauri kuu ya chama hicho
NEC kutoa ratiba huku nafasi ya urais wa jamuhuri ya muungano wagombea
wakitakiwa kuchukua fomu kuanzia June tatu mpaka Jully mbili mwaka huu.
Akitoa ratiba hiyo katibu wa itikadi na uenezi wa CCM Nape Nnauye
amesema wagombea urais wa jamhuri ya muungano na ule wa Zanzibar
watatakiwa kuchukua fomu kuanzia tarehe tatu June na kuzirudisha tarehe 2 Jully na katika kipindi hicho pamoja na mambo mengine watatakiwa
kutafuta wadhamini wasipopungua 450 kwa nafasi ya jamuhuri kutoka kikoa
15 mitatu kati yake iwe Zanzibar na urais wa Zanzibar wadhamini 250
kutoka mikoa mitatu ya Zanzibar.
Mara baada ya zoezi hilo litafuatiwa na vikao mbalimbali vya
uchujaji wa majina ya wagombea kwa kuanza na kikao cha kamati ya usalama
na maadili tarehe 8/7 kikifuatiwa na kikao cha kamati kuu tarehe 9/7
halafu halmashauri kuu ya CCM NEC itakayotoa jina la mgombea wa urais
tarehe 10/7na kisha mkutano mkuu utakaofanyika tarehe 12/13 mwezi Jully.
Kwa upande wa nafasi za ubunge na udiwani na baraza la wawakilishi
wagombea watatakiwa kuchukua fomu kuanzia tarehe 15-19 mwezi jully
ambapo kampeni za ushawishi kwa wanachama kwenye matawi zitafanyika
kuanzia tarehe 20 mpaka 31 Jully ambapo kura za maoni kwa ajili ya
kuwapata wagombea katika ngazi hizo zitapigwa sambamaba tarehe 1/08 2015
huku wagombea wote wakitakiwa kuzingatia maelekezo ya kanuni na
taratibu za chama hicho.
Via>>ITV