Mkuu wa wilaya ya Mkalama mkoani Singida, Edward Ole Lenga.(Picha na Nathaniel Limu).
Na Nathaniel Limu, Mkalama
WILAYA
mpya ya Mkalama mkoa wa Singida, Oktoba 15 mwaka hu ,inatarajia
kumkabidhi mkuu wa mkoa wa Singida, Dk.Parseko Kone, vyumba 57 vya
maabara katika shule 19 za sekondari za kata ya wilayani humo zikiwa
zimekamilika ujenzi wake kwa asilimia mia moja.
Akizungumza
na Mwakilishi wa MOblog, mkuu wa wilaya hiyo, Edwerd Ole Lenga alisema
hadi sasa ujenzi wa vyumba 53 vya maabara katika shule hizo,umekamilika
na ni sawa na aslimia 92.9 ya ujenzi huo.
Alisema
ujenzi unaendelea wa vyumba vitatu vya maabara vilivyosalia upo kwenye
hatua nzuri ambazo ni kuweka milango, madirisha na rangi tu.
Lenga
alisema ujenzi mwigine ni wa chumba vya maabara ya shule ya sekondari
ya kata ya Tumuli ambao umechelewa kuanza kutoka na shule hiyo
kuhamishwa kupisha uwekaji wa umeme,upo kwenye hatua ya kupaua.
“Kwa
ujumla sisi tuna uhakika wa kukamilisha ujenzi wa maabara zote mwezi
huu wa Septemba mwishoni (30/9/2014). Lakini kutokana na agizo la mkuu
wa mkoa, kuwa wilaya zote tano zikabidhi maabara zikiwa zimekamilika kwa
aslimia mia oktoba 15 mwaka huu, basi tutafanya hivyo siku ikifika”,
alifafanua mkuu huyo wa wilaya.
Lenga
alisema mafanikio hayo ya kujivunia, kwa kifupi yamechangiwa na mbinu
shirikishi ambapo wananchi walishirikishwa kuanzia hatua ya kwanza ya
kupanga ujenzi huo.Vile vile usimamizi ulikuwa madhubuti na mkali.
Kwa upande wa vifaa vya maabara,Lenga alisema wanatarajia kunza na vifaa vya maabara ya somo la kemia kwa kila shule.
“Naomba
nitumie nafasi hii, kuiomba Wizara ya elimu na mafunzo, ituunge mkono
kwa kutusaidia vifaa vya maabara. Milango ipo wazi pia kwa wadau wa
maendeleo ya elimu kutuunga mkono kwa kutusaidia vifaa vya maabara ili
wanafunzi waweze kusoma sayansi kwa vitendo pia”,alisema Lenga.
Katika
hatua nyingine, mkuu huyo wa wilaya ametumia fursa hiyo kuwashukuru
wananchi, madiwani na watendaji kwa ushirikiano wao uliofanikisha ujenzi
huo.
Akifafanua
zaidi,alisema “Mafanikio hayo ya ujenzi wa maabara,yamepelekea wilaya
kuongoza katika kufanya vizuri kwenye ujenzi wa maabara kati ya wilaya
tano za mkoa wa Singida”