Monday, June 9, 2014

Timbwili!! MGONJWA AFIA WODINI WAKATI DAKTARI AKITWANGANA MANGUMI NA ALIYELETA MGONJWA HUKO MOROGORO

  Unknown       Monday, June 9, 2014
Mwili wa marehemu Yasin Jailan (15) aliyekata roho ndani ya wodi namba tisa katika Hospitali ya Rufaa ya Morogoro huku dokta akizichapa kavukavu.


Timbwili! Katika hali ya kusikitisha mgonjwa Yasin Jailan (15) aliyekuwa wodini anadaiwa kkata roho huku dokta akizichapa kavukavu na wagonjwa .

Akiwa mitaani akisaka matukio, mwanahabari wetu alivutiwa waya na chanzo chetu kisha akatonywa kuwa kuna bonge la timbwili kwenye wodi namba tisa katika Hospitali ya Rufaa ya Morogoro ambapo alitii wito na kufika eneo la tukio ndani ya dakika sifuri.

Alipofika wodini hapo, mwandishi wetu alishuhudia mtoto akikata roho huku baba mwenye mgonjwa aliyetajwa kwa jina la Jailan Mrisho akizichapa na daktari ambaye jina halikupatikana.

Baba wa marehemu (kushoto) akilia kwa uchungu.

 Kwa mujibu wa baba mwenye mgonjwa, alimfikisha mwanaye hospitalini hapo akisumbuliwa na ugonjwa wa malaria uliokuwa umepanda kichwani na kusababisha kuanguka ovyo.
Alidai kuwa baada ya vipimo vya mwanaye walishauriwa kwenda kununua dawa ambazo ziliwagharimu shilingi elfu arobaini.
 Alisema walipofanikiwa kupata fedha na kununua dawa hizo, daktari alidaiwa kumuuzia mgonjwa mwingine hivyo kusababisha timbwili hilo.

Dada wa marehemu naye akiwa hospitalini hapo.

 Baada ya kuona hali tete huku watu wakiwa na hasira wakimlalamikia daktari huyo kwa uzembe, mwanahabari wetu alipiga simu kituo kikuu cha polisi mkoani hapa ambapo polisi wa pikipiki almaarufu kama tigo walifika na kumchukua daktari huyo kisha kumkimbiza kituoni kumnusuru na kipiga kutoka kwa watu wengine ambao walifika hospitalini hapo kuwaona wagonjwa wao.
 Kaimu kamanda wa polisi mkoani hapa, John Laswai alithibitisha kutokea kwa tukio hilo na kwamba jeshi la polisi linaendelea na uchunguzi baada ya kumnusuru dokta huyo ambaye kwa sasa anadunda mtaani.

Baadhi wanachi waliojaa hospitalini kushuhudia mkasa huo.

 Hadi gazeti hili linakwenda mitamboni, mipango ya mazishi ya marehemu ilikuwa ikifanyika nyumbani kwao maeneo ya Mkuyuni mkoani hapa.

 Uchunguzi wa Ijumaa Wikienda umebaini kwamba kumekuwa na vifo vingi vinavyosababishwa na madaktari ambao hawana wito wa kazi hiyo hivyo serikali kupitia Wizara ya Afya na Ustawi wa Jamii chini ya waziri wake, Dk. Seif Selema Rashid kuchukua hatua juu ya suala hilo.

Daktari akikimbizwa kituo cha polisi ili kuepushwa na kipigo kutoka kwa wananchi wenye hasira kali.

via>>gpl
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post