Ni katika ofisi ya afisa mtendaji wa kata ya Ndembezi mjini Shinyanga ambako leo kumefanyika kikao cha dharura kujadili mambo mbalimbali ya maendeleo katika kata hiyo ikiwemo suala la mgogoro uliopo kati ya uongozi wa shule ya msingi Bugoyi
B iliyopo katika manispaa ya shinyanga na kamati ya shule hiyo.Aliyesimama ni diwani wa kata ya Ndembezi ambaye pia ni naibu meya wa manispaa ya Shinyanga Ndugu David Nkulila akifungua kikao hicho.Aliyekaa ni afisa mtendaji wa kata hiyo ndugu James Dogani
 |
| Aliyesimama ni mwenyekiti wa kijiji cha Ndembezi ndugu Jumanne Maziku akichangia mawili matatu katika kikao hicho.Aliyekaa ni Chifu Abadallah Sube ambaye ni mwenyekiti wa mtaa wa Mbuyuni ilipo shule ya msingi Bugoyi B ambayo imegubikwa na mgogoro kati ya uongozi wa shule hiyo hali inayopelekea kurudisha nyuma maendeleo ya shule hiyo ambayo imekuwa ikikabiliwa na changamoto ya upungufu wa matundu ya vyoo na wanafunzi kukaa chini pamoja na kwamba shule hiyo iko mjini |
 |
| Wajumbe wa kikao hicho cha dharura wakifuatilia kilichokuwa kinajiri ndani ya kikao hicho |
 |
| Kulia ni mwalimu mkuu wa shule ya Bugoyi B ndugu Anord Rweshabura,kushoto ni mwenyekiti wa kamati ya shule hiyo ndugu Hosea Mbusule ambaye alikiambia kikao hicho kuwa kamati yake
haikuwa ikishirikishwa ipasavyo katika masuala ya maendeleo shuleni hapo jambo
ambalo lilimfanya azuie baadhi ya mambo ambayo yalikuwa yakipangwa kufanyika
bila kushikishwa kwa kamati yake hali iliyopelekea mwalimu mkuu wa shule hiyo kusimamia mwenyewe shughuli mbalimbali kama vile ujenzi wa vyoo katika shule hiyo.
Sekta
ya elimu katika mkoa wa Shinyanga inakabiliwa na changamoto nyingi ikiwemo
migogoro ya hapa na pale kati ya uongozi wa shule na kamati za shule
ambazo kimsingi hupewa dhamana ya
kusimamia shughuli za maendeleo ya shule husika.
Mfano
hai wa migogoro hiyo tunaushuhudia
katika manispaa ya Shinyanga hususani katika Shule ya msingi Bugoyi B ambako kumekuwa na mvutano wa chini chini
kati ya uongozi wa shule hio na kamati ya shule.
Na
katika hali ya kuwekana wazi leo mbele ya diwani wa kata hiyo ambaye pia ni
naibu meya wa manispaa ya Shinyanga David Nkulila imeelezwa kuwa mgogoro huo kati ya uongozi wa shule ya msingi
bugoi B iliyopo katika manispaa ya Shinyanga na kamati ya shule hiyo unatokana na kutoshirikishwa
kwa kamati ya shule katika shughuli za maendeleo katika shule hiyo.
Hayo
yamebainika leo katika kikao cha dharura cha kamati ya maendeleo ya kata ya
ndembezi kilichofanyika katika ofisi ya
kata hiyo, kilichokuwa na lengo la kutafuta
ufumbuzi wa mgogoro unaosababishwa na
mapato ya shule yanayokusanywa kutoka kwa wazazi na walezi wa wanafunzi
wanaosoma katika shule hiyo.
Akiongea
katika kikao hicho cha dharura mwenyekiti wa kamati ya shule Hosea Mbusule
amesema kamati yake haikuwa
ikishirikishwa ipasavyo katika masuala ya maendeleo shuleni hapo jambo ambalo
lilimfanya kuzuia baadhi ya mambo ambayo yalikuwa yakipangwa kufanyika ikiwa ni
pamoja na kusitisha malipo ya ujenzi wa
choo.
Mbusule
pia amesema kamati yake imezuia upikwaji wa uji kwa ajili ya wanafunzi kwa kuwa baadhi yao
hawakuwa wanapatiwa uji kwa kigezo cha
kutochangia pesa wakati mahindi yalitolewa kwa ajili ya wanafunzi wote .
Mwenyekiti
huyo wa kamati ya shule ameelezea
wasiwasi wake kuwa huenda shilingi laki tisa ambazo zilikuwa zikikusanywa na
wananchi kwa ajili ya maendeleo ya shule hiyo zikawa zimehujumiwa.
Kwa
upande wake mwenyekiti wa kikao hicho ambaye ni diwani wa kata ya ndembezi
David Nkulila ameahidi kumwita mkaguzi
wa mahesabu wa ndani kutoka halmashauri ya manispaa ya Shinyanga ili kukagua
matumizi na mapato katika shule hiyo ili kubaini kama kuna ubadhilifu
umefanyika.
Stori
/picha na Steve Kanyefu
|