Mwalimu
wa madrasa ya Ali Munawar, ustaadhi Mohamed Ngulanjwa (36) wa Mbagala
Mianzini jijini Dar es Salaam, ameuawa baada ya kumchinja mwanafunzi
wake.
Ustaadhi
huyo aliyekuwa mwalimu wa madrasa na shule ya awali ya Ali Munawar,
alimchinja mwanafunzi huyo jana saa 12.10 jioni kwenye eneo la madrasa
baada ya kutenganisha kichwa na kiwiliwili
(hudugu)
Kaimu
Kamanda wa Polisi wa Mkoa wa Temeke, Jonathan Shana, akizungumzia mauaji
hayo , alisema tukio hilo la kinyama, lilishuhudiwa na wananchi
waliomuua ustadhi huyo.
Alisema baada ya mwalimu kumuua mwanafunzi wake wa kiume alichukua kisu alichotumia pamoja na msahafu na kukimbia.
"Ilidaiwa
kuwa alimchukua mtoto huyo , kumlaza chini kisha kumchinja kwa
kutenganisha kichwa na kiwiliwili na kutelekeza vipande vya mwili wake
kwenye varanda," alisema Kamanda Shana.
Baada ya
mauaji hayo mtuhumiwa alianza kukimbia lakini wananchi walimvamia na
kumshambulia kwa mawe na kila silaha iliyokuwa karibu na kumuua papo
hapo.
Shana alieleza kuwa polisi walifika eneo la tukio na kuchukua maiti hizo na kuzipeleka hospitali ya Temeke.
Hata hivyo alisema jina la mtoto huyo mwenye umri kati ya miaka 10- 12 halikufahamika na polisi inaendelea na uchunguzi.
Credit-Bongomail