 |
| Maduka yakiwa yamefungwa hapo jana na wafanyabiashara katika eneo hilo la soko kuu mjini Shinyanga waliamua kufunga vibanda vyao na kwenda katika baraza la ardhi na nyumba hali ambayo iliwafanya wananchi kukosa huduma muhimu siku nzima katika soko hilo |
Baraza la
ardhi na nyumba wilaya ya Shinyanga
limesitisha kusudio la halmashauri ya manispaa ya Shinyanga kutaka kugawa
vibanda vya biashara katika eneo la Soko
kuu mjini Shinyanga kwa njia ya zabuni mpaka pale kesi ya msingi iliyofunguliwa na
wafanyabiashara wanaomiliki vib anda hivyo hivi sasa itakaposikilizwa.
Akitangaza
uamuzi wa kusitisha utaratibu huo,JANA mwenyekiti wa Baraza hilo la Ardhi na
nyumba, Emmanuel Sululu alisema baada ya kusikiliza maelezo yaliyotolewa na
upan de wa walalamikaji amekubaliana na
maombi yao ya kusitishwa kufunguliwa kwa zabuni kazi ambayo ingekuwa ifanyike
Januari 13, mwaka huu.
Sululu
alisema baada ya kusikiliza kwa kina maelezo ya walalamikaji yaliyotolewa katika baraza hilo na mwakilishi
wao kampuni ya uwakili ya Beda amekubaliana na ombi hilo baada ya kubaini kwamba yapo mambo ya
msingi yaliyopaswa kusikilizwa kabla ya hatua ya kufunguliwa kwa zabuni
iliyotangazwa na mkurugenzi wa manispaa ya Shinyanga.
“Nimeamua
kutoa zuio la tenda iliyotangazwa na manispaa kuhusu utaratibu wa kugawa
vibanda katika eneo la soko kuu kwa njia ya tenda baada ya kusikiliza sababu
zilizotolewa na walalamikaji mpaka pale kesi ya msingi itakaposikilizwa tarehe
27 mwezi Januari 2014”,alisema Sululu.
Awali
akizungumzia sababu za kuweka kuzio wakili wa upande wa walalamikaji Norbert
Bedder alisema miongoni mwa sababu hizo ni kutokana na wadau wa soko kuu
kutoshrikishwa katika mchakato mzima wa zabuni namba LGA/112/2013/2014/NC/03
iliyotangazwa na halmashauri ya manispaa ya Shinyanga kwa wafanyabiashara wa
eneo la soko kuu.
Aliitaja
sababu nyingine kuwa ni wadau wa soko hilo kupinga kushindanishwa kununua
vibanda vya biashara kwa zabuni na mwenye zabuni nyingi kuwa na uwezo wa
kumiliki vibanda vingi hali ambayo itawanyima fursa wafanyabiashara wa hali ya
chini kukosa maeneo ya kuendeshea biashara zao.
“Lakini pia
sababu nyingine ni kwamba lengo la serikali ni kutoa huduma kwa wananchi siyo
kufanya biashara kama inavyofanya manispaa ya Shinyanga”,aliongeza wakili huyo.
Akizungumza katika
baraza hilo kwa niaba ya mkurugenzi wa manipaa ya Shinyanga Festo Kang’ombe,afisa
utumishi wa manispaa hiyo Boniface Maheri alisema msimamo wa manispaa bado upo
pale pale kugawa vibanda hivyo kwa njiaya zabuni.
Akizungumza
na waandishi wa habari baada ya kutolewa maamuzi ya zuio la kugawa vibanda kwa
njia ya zabuni mwenyekiti wa wafanyabiashara hao Erick Njau wao hawakubaliani
na maombi hayo ya manispaa ya Shinyanga kwani wana zaidi ya miaka 30 wakifanya
biashara katika eneo hilo la soko kuu huku wakilipa kodi ya kila kibanda shilingi
elfu 30 kila mwezi na sasa wanapaswa kulipa shilingi elfu 30 kuomba tenda na
fedha hiyo hairudishi hata kama umekosa zabuni hiyo.
“Hapa soko
kuu kuna vibanda 149,kwa kweli tumeshangazwa sana na tangazo la ghafla la
manispaa yetu,hivi inakuwaje tayari mtu
ni mpangaji halafu unatangaziwa kuomba tena kibanda wakati tayari
unakitumia,huu ni uonevu mkubwa kwa watu maskini,matajiri ndiyo watafaidika”,alisema
Njau.
Aidha
kutokana na malalamiko hayo ya wafanyabiashara hayo,wafanyabiashara katika eneo
hilo walifunga vibanda vyao na kwenda katika baraza hilo hali ambayo iliwafanya
wananchi kukosa huduma muhimu siku nzima katika soko hilo.
Kwa mujibu
wa tangazo la tarehe 31.12.2013 lilisainiwa na mkurugenzi wa halmashauri ya
manispaa ya Shinyanga Festo Kang’ombe barua kumbukumbu namba SHY/MO/C.50/8VOLXV111/23
kuhusu maombi ya kukodi vibanda katika eneo la soko kuu,mwisho wa kutuma maombi
ilipaswa tarehe 13 Januari 2014 zabuni
zifunguliwe na waombaji kusherehekea sherehe za ufunguzi.