MAMLAKA ya Mapato Tanzania (TRA) Ilala imezindua Kampeni ya 'TUWAJIBIKE' ya uhamasishaji juu ya Matumizi sahihi ya EFD.
Akizungumza wakati wa uzinduzi wa kampeni hiyo, Meneja wa Mamlaka ya Mapato Tanzania (TRA) mkoa wa kikodi Ilala Bw! Masau Malima amesema kutoa na kudai risiti sahihi za EFD inasaidia kukusanya kodi stahiki kwa maendeleo ya taifa "kodi yetu ndiyo maendeleo yetu" hivyo amewahimiza wafanyabiashara kutoa risiti kila wanapofanya mauzo na wanunuzi kudai risiti sahihi za EFD kila wanaponunua bidhaa au kupata huduma. Uzinduzi huo umefanyika katika kituo cha huduma za kodi Gongolamboto leo Septemba 08, 2023.
Kwa upande wake Mkuu wa kituo cha kodi Gongolamboto Bi. Ambele Mwaisunga amewakaribisha wafanyabiashara na wananchi kwa ujumla kufika katika kituo cha huduma za kodi Gongolamboto "Tunawakaribisha wafanyabiashara na wananchi kwa ujumla kufika katika kituo chetu cha huduma Gongolamboto". Pia amesema huduma za TRA kwa sasa zimesogezwa karibu na wafanyabiashara katika maeneo yao ya biashara hivyo wasisite kufika na kupata huduma mbalimbali za kodi.
Aidha wafanyabiashara wameipongeza TRA kwa kusogeza huduma karibu na maeneo yao hivyo kupunguza gharama na muda wa kupata huduma za kodi pia wameishukuru TRA kwa kuendelea kuwakumbusha wafanyabiashara hao wajibu wao juu ya mambo mbalimbali ya kikodi ikiwemo kutoa na kudai risiti.
