TCRA YATOA ONYO KWA WANAORUSHA MATANGAZO YA RUNINGA KWA NJIA YA WAYA 'CABLE TV' | MALUNDE 1 BLOG

Thursday, January 14, 2021

TCRA YATOA ONYO KWA WANAORUSHA MATANGAZO YA RUNINGA KWA NJIA YA WAYA 'CABLE TV'

  Malunde       Thursday, January 14, 2021

Mkuu wa TCRA Kanda ya Ziwa, Mhandinsi Francis Mihayo (katikati) akizungumza kwenye kikao hicho kilichofanyika jijini Mwanza kikiwashirikisha warusha matangazo kwa njia ya waya 'Cable TV' kutoka mikoa ya Kanda ya Ziwa.
***
Na George Binagi-GB Pazzo, BMG
Mamlaka ya Mawasiliano Tanzania (TCRA) imewaonya warusha matangazo ya runinga kwa njia ya waya 'Cable TV' kurusha matangazo mbalimbali ikiwemo mpira pamoja na tamthilia kutoka kwenye chaneli za kulipia bila kuwa na kibali kutoka kwa wamiliki wa chaneli hizo.

Mkuu wa TCRA Kanda ya Ziwa, Mhandinsi Francis Mihayo alitoa onyo hilo Januari 13, 2021 kwenye kikao baina ya mamlaka hiyo na wamiliki wa 'Cable TV' na wadau wengine ikiwemo shirikisho la soka Tanzania (TFF) pamoja na warusha matangazo kupitia visimbuzi vya kulipia.

Mhandisi Mihayo alisema watoa huduma za matangazo kwa njia ya waya 'Cable TV" hawaruhusiwi kurusha matangazo kutoka kwenye chaneli za kulipia bila kuwa na kibali kutoka kwa makampuni yaliyopewa haki miliki ya matangazo hayo kama vile Azam Media, Multchoice/ DSTV, Zuku, Star Times.

Alibainisha kuwa hapo awali kulikuwa na ukiukwaji wa sheria kwa 'Cable TV' kurusha matangazo kutoka kwenye chaneli za kulipia (Pay TV) ambapo ni kinyume pia na leseni yao inayowataka kurusha matangazo kutoka kwenye chaneli za bure (Free to Air) hivyo kikao hicho kitasaidia watoa huduma hao kufanya kazi kwa kufuata sheria ya haki miliki ya mwaka 1999 na kanuni zake.

Nao baadhi ya warusha matangazo kwa njia ya waya 'Cable TV' walilalamikia adha wanayoipata kwa kurusha chaneli za bure kutoka nje ya nchi na kushauri TCRA kuondoa mkanganyiko huo kwani leseni yao inawaruhusu kurusha chaneli za bure ambapo wamekuwa wakiitwa majina yasiyofaa 'maharamia' wakati wanafanya shughuli zao kwa kuzingatia sheria.

Via BMB Blog
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post