China yaionya Marekani dhidi ya kutuma wanajeshi Mashariki ya Kati | MALUNDE 1 BLOG

Wednesday, June 19, 2019

China yaionya Marekani dhidi ya kutuma wanajeshi Mashariki ya Kati

  Malunde       Wednesday, June 19, 2019
China  imeionya Marekani baada ya kutangaza kutuma wanajeshi 1,000 wa ziada katika eneo la Mashariki ya Kati huku mvutano na Iran ukiwa unazidi kuongezeka. 

Waziri wa Mambo ya Nchi za Nje wa China Wang Yi pia ameisihi Iran kutojitenga na makubaliano ya nyuklia kiurahisi, baada ya nchi hiyo kusema itarutubisha madini ya Urani kwa kiwango kikubwa iwapo nchi zenye nguvu duniani zitashindwa kutimiza ahadi zake chini ya makubaliano hayo katika siku 10 zijazo.

 "Katika hali ya hivi sasa, tunatarajia kuwa Iran itafanya maamuzi ya busara na sio kuachana makubaliano kwa urahisi.  Wakati huo huo tunatarajia pande nyingine zitaheshimu haki na maslahi ya upande wa Iran na kuchukua hatua za kweli za kuilinda nchi hiyo." amesema Wang. 

Marekani iliongeza shinikizo lake dhidi ya Iran hapo jana, kwa kutangaza kutuma wanajeshi zaidi katika Mashariki ya Kati pamoja na kutoa picha kadhaa ambazo inasema ni ushahidi mwingine kwamba Iran inahusika na mashambulizi dhidi ya meli za kubebea mafuta yaliyotokea katika Ghuba ya Oman wiki iliyopita. Iran inakanusha vikali madai hayo.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post