Sunday, August 19, 2018

DADA WA RAIS MAGUFULI AFARIKI DUNIA

  Malunde       Sunday, August 19, 2018

Rais wa Jamhuri ya Muungano wa Tanzania Dkt. John Pombe Magufuli alipoenda kumjulia hali Dada yake Monica Joseph Magufuli ambaye alikuwa amelazwa katika Chumba cha uangalizi Maalum ICU katika hospitali ya Bugando mkoani Mwanza.

***
Aliyekuwa dada wa Rais wa Jamhuri ya Muungano wa Tanzania, Dk. John Magufuli, Bi. Monica Joseph Magufuli amefariki dunia asubuhi ya leo Agosti 19, 2018 katika hospitali ya Bugando Jijini Mwanza alikokuwa anapatiwa matibabu.

Jana Jumamosi Rais Magufuli alimtembelea dada yake kumjulia hali akiwa amelazwa chumba cha wagonjwa wanaohitaji uangalizi maalum ICU, ambapo Rais Magufuli alisikika akiwaambia madaktari na wauguzi wa hospitali hiyo kwamba, hali ya dada yake ni mbaya.

Mkurugenzi wa Mawasiliano ya Rais, Ikulu, Gerson Msigwa ametoa taarifa za msiba huo kupitia mitandao ya kijamii ambapo ameandika, “Nasikitika kuwajulisha kuwa Dada wa Rais (John Magufuli) Monica Joseph Magufuli amefariki dunia asubuhi leo Agosti 19, 2018 katika hospitali ya Bugando jijini Mwanza alikokuwa akipatiwa matibabu,”.

Monica amefariki dunia akiwa na umri wa miaka 63 (alizaliwa tarehe 25 Novemba, 1955) na ameacha watoto 9 na wajukuu 25.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post