| NB picha kutoka maktaba |
Wananchi waliojichukulia sheria mkononi wakiongozwa
na kamanda wa sungusungu wamechoma moto nyumba katika familia tano katika
kitongoji cha Elimu kijiji cha Kakeneno kata ya Buziku wilayani Chato mkoani Geita
baada ya kuwatuhumu wamiliki wa nyumba
hizo kuwa ni wachawi kwa kile kinachosemekana kuwa watoto wamekuwa wakifariki
mara kwa mara katika kijiji hicho.
Tukio hilo limetokea jana jioni mara baada
ya wananchi kuwatuhumu wanawake watano kuwa ni wachawi na wamekuwa wakiua
watoto kwa muda mrefu na hatimaye juzi siku ya Jumamosi wakaitisha mkutano kwa
ajili ya kuwapigia kura kubaini nani ni mchawi.
Kufuatia upigaji kura huo ndipo wakapata
kura nyingi za kwamba wanahusika ni uchawi kwani matukio ya watoto kufa katika
kijiji hicho yameshamili sana.
Shuhuda wa tukio hilo ambaye hakupenda jina
lake litajwe na yuko mafichoni kwa
usalama wake amesema baada ya kura hizo kupigwa Jumamosi, siku iliyofuata (jana) ukatokea
msiba ambapo Jumapili hiyo saa 12 jioni walikuwa kwenye msiba kwa familia ya Dadala
na ndipo wakatoka msibani na kwenda kuchoma nyumba hizo.
Shuhuda
huyo amesema nyumba zilizochomwa ni ya Mwananzila,Sofia,Mwanabukumbi,Mama Sodoki,kwa
Roza ambapo vitu mbalimbali vimeteketezwa kwa moto na
thamani yake haijajulikana.
Imeelezwa kuwa waliochoma nyumba hizo
walikuwa wanaongozwa na kamanda wa jeshi la jadi sungusungu aitwae Yela Shokagauje.
Mwenyekiti wa kijiji cha Kakeneno James
Mlomba amekiri kuwepo mkutano wa kuwapigia kura watu wanaodhaniwa kuwa ni wezi
na wachawi katika kijiji hicho lakini akasema hajui kama wameenda kuwachomea
nyumba zao.
“Ni
kweli mwandishi mimi pia nilikuwepo kwenye mkutano huo kama kiongozi na
tulipiga kura kabisa lakini baada ya hapo sikujua kilichoendelea tena,wananchi
ndiyo wamefanya kitendo hicho’’,alisema Mlomba.
Naye diwani wa kata ya Buziku kilipo
kijiji hicho Bwana Zanziba Masanja amekiri kupata taarifa hizo za familia
tano kuchomewa nyumba zao kwa imani ya kishirikia na amelaani kitendo hicho kwani kufanya hivyo ni
kukiuka haki za binadamu.
Tukio hili limekuja siku chache tu baada ya kamanda wa polisi mkoa wa Geita Leonard Paul kuwataka wananchi kuacha kujichukulia sheria mkononi na yeyote atakayekamatwa kuchukulia hatua kali za kisheria
Tukio hili limekuja siku chache tu baada ya kamanda wa polisi mkoa wa Geita Leonard Paul kuwataka wananchi kuacha kujichukulia sheria mkononi na yeyote atakayekamatwa kuchukulia hatua kali za kisheria
Na Valence Robert-Geita