JUKWAA LA WAHARIRI TANZANIA (TEF) LALAANI MSEMAJI WA SIMBA HAJI MANARA KUMDHALILISHA MWANDISHI WA HABARI | MALUNDE 1 BLOG

Friday, July 2, 2021

JUKWAA LA WAHARIRI TANZANIA (TEF) LALAANI MSEMAJI WA SIMBA HAJI MANARA KUMDHALILISHA MWANDISHI WA HABARI

  Malunde       Friday, July 2, 2021

Jukwaa la Wahariri Tanzania (TEF) limesikitika na kulaani kitendo cha msemaji wa klabu ya Simba, Haji Manara kumdhalilisha mwandishi wa Habari wa Redio Clouds FM, Prisca Kishamba.


Taarifa iliyotolewa na jukwaa hilo leo Ijumaa Julai 2, 2021  na mwenyekiti wake, Deodatus Balile inaeleza kuwa udhalilishaji huo ulioambatana na maneno ya kashfa ulifanywa  kwenye mkutano wa Simba na waandishi wa habari uliofanyika Juni 30, 2021 mkoani Dar es Salaam.

TEF imemtaka Manara kuacha mara moja tabia ya kutumia mikutano ya klabu ya Simba na hata mitandao ya kijamii kuwadhalilisha wanahabari.

Limesema ikiwa kuna suala lolote ambalo mwandishi wa habari amelitenda kinyume cha maadili na miongozo ya taaluma, wahusika wanapaswa kuwasilisha malalamiko yao kwa taasisi za kihabari au kwa mwajiri wa mwandishi husika ili hatua ziweze kuchukuliwa.

Kupitia taarifa hiyo,  TEF imeuomba uongozi wa timu hiyo inayoongoza msimamo wa Ligi Kuu Tanzania Bara kumuonya Manara kuacha tabia hizo mara moja kwani  hazina afya na haziongezi thamani yoyote kwa Simba wala taaluma  ya habari.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post