Wednesday, April 11, 2018

JINSI WANAWAKE WALIOTELEKEZWA WALIVYOGEUKA "DILI' KWA MAKONDA

  Malunde       Wednesday, April 11, 2018
Unaweza kusema mgeni njoo mwenyeji apone. Ndivyo inavyotokea muda huu nje ya ofisi za Mkuu wa Mkoa wa Dar es Salaam, Paul Makonda baada ya kuibuka kwa wafanyabiashara wanaowauzia chai na vitafunwa wanawake wenye watoto ‘waliotelekezwa’ na waume zao.


Wanawake hao tangu juzi wamekuwa wakiripoti katika ofisi hizo kupata msaada wa kisheria baada ya kutelekezwa na waume zao.

Leo Jumatano Aprili 11, 2018 MCL Digital imepiga kambi kuanzia saa 12 asubuhi na kushuhudia wafanyabiashara hao ndogondogo wakiwauzia chai na vitafunwa wanawake waliofika katika ofisi hizo.

Wanawake kwa vijana waliobeba chupa za chai na uji walionekana kuhudumia eneo hilo huku wengine wakiwa na ndoo za vitafunwa.

Wenye watoto walihangaika kuwapatia chochote wakati wakisubiri wanasheria wa walioandaliwa na ofisi ya Mkuu wa Mkoa waanze kuwasikiliza.

Mmoja wa wafanyabiashara Salim Juma amesema zoezi hilo limeleta neema kwao.

"Tulikuwa tunazunguka mtaani kutafuta wateja ila ndani ya siku mbili hizi mambo mazuri mzigo unaisha hapa hapa," amesema Salim anayeuza vitumbua.

Na Elizabeth Edward,Mwananchi
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post